مطبخ ومنزل المرأه المسلمه

**هبه عمر** · الإثنين مارس 14, 2011 10:01 am

اكيد السجاد بيتعبنا جدا فى شيله وتنفيضه
وخصوصا لو السجاد رزمة زى بتاعى كدا وتقيل جداااا
المهم ندخل على المفيد
دى طريقتى المتواضعة فى تنظيف السجاد كل يومين
طبعا كل يوم يتكنس عادى كويس ولان المكنسه الكهربيه مش بتشيل ابدا الوبر ولا الشعر اللى بيقع من راسنا واحنا بنسرح قدام المرايا ومش بناخد بالنا منه فدايما بحرص على نظافه سجادتى بفرشه البلاط
ونجيب اصغر بلاستكة عندك وتحطى فيه الاتى:

كوب ونصف ماء +لو عندك شاور حطى نقطتين بيعمل ريحة حلووووة+ربع كيس كلوركس الوان من الصغير+معلقتين خل ابيض+شويه برسيل او اريال حوالى نص معلقه بس

الخلطة دى تقلبيها على بعض كويس
تحطى فرشة البلاط فيها وتطلعيها وتكنسى بيها السجاده ولو فيها
بقعه تتكى اوى عليها كانك بتدعكيها كدا وشوفى الشعر ولا الوبر ولا الخيوط الرفيعة اللى بتبقى مش باينه هتطلعلك فى الفرشه[ندعوك للتسجيل في المنتدى أو التعريف بنفسك لمعاينة هذا الرابط]
بعد ماتخلصى كنسها خالص افتحى الشبابيك والبلكونة
وهاتى شويه مايه فى حاجه تانيه نضيفه عليها نص زجاجة خل من الحجم الصغير وابدائى حطى الفرشه تانى و اكنسى على خفيف
ده بيحافظ على لمعه وزهزهه الوان السجاده بتاعتك

و السجادة نضفت وبقت زى الفل
فى خمس دقايق بس [ندعوك للتسجيل في المنتدى أو التعريف بنفسك لمعاينة هذا الرابط]

الموضوع الأصلي : تنظيف السجاد فى خمس دقائق // المصدر : ماي واي السعودية My Way KSA // الكاتب: هبه عمر

مطبخ ومنزل المرأه المسلمه

التدبير المنزلى